ԵՐԵՎԱՆ, 7 նոյեմբերի — Sputnik. Հանրահայտ հումորիստ, հաղորդավար, Comedy Club-ի ներկայացուցիչ Գարիկ Մարտիրոսյանը Instagram-ի իր էջում ռեժիսոր, դերասան Կոնստանտին Ստանիսլավսկուն նվիրված գրառում է հրապարակել։
Գարիկի խոսքով, Ստանիսլավսկին հենց այն մարդն է, որով պետք է հպարտանալ Հոկտեմբերյան հեղափոխության հարյուրամյակի կապակցությամբ։
«Այսօր բոլորը խոսում են մեծ հեղափոխության մասին։ Ահա ռուս հեղափոխականը, որով պետք է հպարտանալ, ահա նա` մեծն Ստանիսլավսկին»,- գրել է Մարտիրոսյանը։
Նրա էջի բաժանորդներն անմիջապես արձագանքել են գրառմանը։ «Առանց նրա մեր էստրադան այլ կլիներ», «Իսկ որտե՞ղ է Լենինի մասին զվարճալի գրառումը», «Գարիկը ծերանում է, քիչ-քիչ դեպի քաղաքականություն է ձգվում», «Հետաքրքիր է` իսկ Քամեդիի համարները պատրաստելիս դուք օգտվո՞ւմ եք Ստանիսլավսկու համակարգից։
Կոնստանտին Ստանիսլավսկին ռուս դերասան է, ռեժիսոր, թատրոնի ռեֆորմիստ։
