Վրույր Պեպանյան
Բնապահպանության և ընդերքի տեսչական մարմնի հանձնարարությամբ մասնագետները Կապան-Մեղրի անտառամերձ տարածքում ուսումնասիրություններ են կատարել և պարզել, որ ծառահատումներ են եղել, ասաց տեսչության մամուլի քարտուղար Վրույր Պեպանյանը։
Նա կարծում է, որ ծառերը հատվել են ապօրինի։ Այժմ պատկան մարմինները քննում են՝ այդ տարածքը հատուկ պահպանվո՞ղ է, թե՞ պատկանում է անտառտնտեսությանը։
Հատուկ պահպանվող տարածքում ծառ կտրելն արգելված է, իսկ անտառտնտեսությանը պատկանող վայրերում թույլտվություն է անհրաժեշտ։
Պեպանյանը վստահեցնում է, որ ծառերն ապօրինի հատողները քրեական պատասխանատվության կենթարկվեն։
Զրույցը վարեց Աննա Վարդանյանը։ Ամբողջական տարբերակը կարող եք ունկնդրել Sputnik Արմենիա ռադիոկայանի եթերում (FM106)։
