ԵՐԵՎԱՆ, 7 նոյեմբերի – Sputnik. Կրթության որակը չի տուժի դպրոցներում կրճատումներից: Այդ մասին 2018 թ. Պետական բյուջեի նախագծի վերաբերյալ պատգամավորական հանձնաժողովներում քննարկումների ժամանակ հայտարարել է ՀՀ կրթության և գիտության նախարար Լևոն Մկրտչյանը:
Կարելի է կրճատել, օրինակ, պահակներին, եթե դպրոցում մեկից ավելի լինեն: Նա հավելեց, որ դպրոցներին ցերեկային պահակներ, ընդհանրապես, պետք չեն:
Նշենք, որ բյուջեի նախագծի համաձայն, 2018 թ. հանրային հատվածում նախատեսվում է 5500 մարդ կրճատել, այդ թվում, կրթության ոլորտում՝ 2,800-, առողջապահությունում՝ 1 600։
Առողջապահության նախարար Լևոն Ալթունյանն, իր հերթին, հորդորել է ուշադրություն դարձնել ոչ թե կրճատումների, այլ մասնագետների վերապատրաստման, այդ թվում, մարզերում աշխատելու վրա:
«Հանրապետությունում կա 600-700 բժշկի աշխատատեղ: Բուժաշխատողներ կան, որոնք ոչ լիարժեք են ծանրաբեռնված, ուստի մենք պետք է կադրերն ավելի համաչափ բաժանենք»,- ասել է նա:
