ԵՐԵՎԱՆ, 6 նոյեմբերի — Sputnik. Երեկ՝ նոյեմբերի 5-ին, խոշոր ավտովթար է տեղի ունեցել Արմավիրի մարզում: Ժամը 21:40-ի սահմաններում Երևան — Արմավիր ավտոճանապարհի 13.5 կմ հատվածում՝ Մուսալեռ գյուղի վարչական տարածքում, բախվել են 24-ամյա Հարություն Թովմասյանի վարած Lada Priora մակնիշի 35 DN 673 համարանիշի և 33-ամյա Գևորգ Կարապետյանի վարած թիվ 67 երթուղին սպասարկող «Գազել» մակնիշի 4893 Տ համարանիշի ավտոմեքենաները: Այս մասին հայտնում է shamshyan.com-ը։
Ըստ կայքի` վթարի հետևանքով Priora-ի վարորդ Հ. Թովմասյանը և նրա ուղևոր 25-ամյա Մերուժան Սարգսյանը տեղափոխվել են Էջմիածնի բժշկական կենտրոն:
Դեպքի վայր են ժամանել Ճանապարհային ոստիկաններն ու հրշեջ-փրկարարական ջոկատը՝ 1 մարտական հաշվարկով, որոնք հոսանքազրկել են ավտոմեքենաները և փակել գազաբալոնների փականները։
