ԵՐԵՎԱՆ, 6 նոյեմբերի — Sputnik. 2018 թվականին Հայաստանում միջին կենսաթոշակը կկազմի 39.4 հազար դրամ։ Այս մասին նշված է Հայաստանի պետբյուջեի 2018 թվականի նախագծում, որը քննարկվում է Ազգային ժողովում։
2017 թվականին Հայաստանում միջին կենսաթոշակը կազմել է 40.5 հազար դրամ, իսկ 2018 թվականից կկազմի 39.4 հազար դրամ, որը քիչ է 1100 դրամով։ Այդքան արժե 4.5 կգ կարտոֆիլը կամ 400-500 գրամ պանիրը։
Պետք է նշել, որ կենսաթոշակներին չեն դիպչի. բազայինը կմնա 16 հազար դրամ, իսկ առաջին 10 տարվա ստաժի դիմաց կավելանա 800-ական դրամ, հաջորդ տարիների համար` 500 դրամ։
Կենսաթոշակառուները կհաշվարկեն նախկինի պես, բայց մյուս տարի կենսաթոշակառուների ստաժը կկրճատվի, այդ պատճառով էլ կնվազի նաև կենսաթոշակները, հայտնում են Աշխատանքի և սոցիալական հարցերի նախարարությունից։
39.4 հազար դրամը կազմում է նվազագույն սպառողական զամբյուղի ընդամենը 70 տոկոսը։ Զամբյուղը հաշվարկում է Ազգային վիճակագրական ծառայությունը։ Իշխանությունը չի շտապում այդ զամբյուղին պաշտոնական կարգավիճակ տալ, թեև համապատասխան օրենքը 2004 թվականի դեկտեմբերից պարտավորեցնում է այդ անել։
2017 թվականի բյուջեում կենսաթոշակառուների թիվը կազմում է 459,7 հազար, իսկ 2018 թվականին` 445,6 հազար։
