ԵՐԵՎԱՆ, 6 նոյեմբերի — Sputnik. Չարագործները պղծել են Հայոց ցեղասպանության նահատակներին նվիրված Վիենի հուշարձանը։ Twitter-ի իր էջում այս մասին հայտնել է Իզեր դեպարտամենտի անդամ Էրվան Բինեն։
«Ցնցված եմ ու անհանգստացած այս փաստից»»,- գրել է նա և հրապարակել լուսանկարը։
Choqué et consterné par la dégradation du monument #genocide1915 # #Vienne38 @ccaf_france pic.twitter.com/XZkfqjcOjf
— Erwann Binet (@erwannbinet) 4 ноября 2017 г.
Վիեն կանտոնն ընդգրկված է Ֆրանսիական Օվերն-Ռոնա-Ալպեր շրջանի Իզեր դեպարտամենտում, որի վարչական կենտրոնը Լիոնն է։
Ֆրանսիայի հայկական կազմակերպությունն համակարգող խորհուրդն իր հերթին հրապարակել է հուշարձանի լուսանկարը և քննադատել վանդալիզմը։
#communiqué le CCAF dénonce la profanation de la stèle dédiée aux victimes du génocide des Arméniens à Vienne #isere pic.twitter.com/I1wUejCywY
— CCAF France (@ccaf_france) 5 ноября 2017 г.
1915 թվականին տեղի ունեցած ոճրագործությունը, որի հետևանքով Օսմանյան կայսրությունում ավելի քան 1,5 մլն հայ է սպանվել, ХХ դարի առաջին ցեղասպանությունն է համարվում։ Թուրքիան ավանդաբար մերժում է ցեղասպանություն իրագործելու մեղադրանքներն ու անչափ ցավագին է ընդունում այդ հարցի վերաբերյալ քննադատությունները։
Հայոց ցեղասպանությունն առաջինը ճանաչել է Ուրուգվայը՝ 1965 թվականին, այնուհետև նրա օրինակին են հետևել Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, Բրազիլիան, Չիլին, Վատիկանը, Բոլիվիան, Չեխիան, Ավստրիան, Լյուքսեմբուրգը։ ԱՄՆ 52 նահանգից 45-ը պաշտոնապես ճանաչել և դատապարտել է Հայոց ցեղասպանությունը, ինչպես նաև ապրիլի 24-ը հայտարարել Հայոց ցեղասպանության զոհերի հիշատակի օր։
