ԵՐԵՎԱՆ, 5 նոյեմբերի — Sputnik. Ընդամենը մեկ օր առաջ ստեղծված Կոռուպցիայի դեմ պայքարի կոմիտեն Սաուդյան Արաբիայում արդեն 11 արքայազնի և կառավարության 4 նախարարի է ձերբակալել, հաղորդում է ՌԻԱ Նովոստին՝ հղում անելով տեղական «Ալ Արաբիա» հեռուստաընկերությանը:
Հակակոռուպցիոն կոմիտեի ղեկավար է նշանակվել թագավորության ժառանգորդ արքայազն Մուհամեդ բեն Սալամը:
«Ադջիլ» սաուդյան լրատվական գործակալությունը հաղորդում է, որ արքայազներից մեկը ձերբակալվել է անօրինական զենքի վաճառքի, մյուսը՝ կեղծ գործարքներ կնքելու, 3-րդը՝ փողերի լվացման մեղադրանքով:
