ԵՐԵՎԱՆ, 5 նոյեմբորի — Sputnik. Նոյեմբերի 5-ի երեկոյան Մոսկվայի Մեծ թատրոնի համերգը չեղարկվել է, իսկ շուրջ 700 մարդ տարհանել են՝ պայթյունի վտանգի մասին անանուն զանգից հետո:
Այս մասին հաղորդում է ՌԻԱ Նովոստին՝ վկայակոչելով ՌԴ արտակարգ ծառայություններին: Գործակալության տվյալներով՝ անանուն ահազանգից հետո չեղարկվել է Բեթհովենի անվան դահլիճում անցկացվող համերգը: Բոլոր մյուս ներկայացումները զանգի պահին ավարտված են եղել:
Պայթյունի վտանգի մասին ահազանգեր են ստացվել նաև Մոսկվայի «ԳՈւՄ» խոշոր առևտրի կենտրոնում: Այնտեղից 2800 մարդ է տարհանվել, և «Մետրոպոլ» հյուրանոցում, այստեղից էլ ավելի քան 2000 մարդու են տարհանել:
Այսօր պայթյունների ահազանգերի պատճառով տարհանումներ են անցկացվել նաև «Ֆակել» կինոթատրոնում, «Դուբրովկա» առևտրի կենտրոնում, ու էլի մի շարք այլ առևտրային կենտրոններում:
