Շաբաթվա մարդիկ. փրկարար դեղ ստեղծողն ու երազող ջազմենները

Մերի Ստեփանյան

2017 թ-ին ավարտել է հայ-ամերիկյան Էրեբունի բժշկական քոլեջը, մասնագիտությամբ դեղագետ է:

-Երբ փոքր էի, ցանկանում էի անսովոր ինչ -որ մեկը լինել, օրինակ՝ լրտես, վամպիր:

Ապագայում ցանկանում է անբուժելի հիվանդությունների դեմ դեղ գտնել:

Գոնզալո Ռուբալկաբա

-Երբ 6 տարեկան էի, ծնողներս հարցրեցին, թե ինչ եմ ուզում, որ ծնունդիս նվիրեն: Ասացի՝ հարվածային գործիքներ: Այդ ժամանակ դժվար էր նման բան գտնել խանութում: Բայց հայրս գտավ մեկին, ով պատրաստեց ինձ համար, ու ես ստացա երազածս նվերը:

Գոհար Խաչատրյան

Սովորում է ԵՊՀ սոցիլոգիայի ֆակուլտետի մագիստրատուրայում:

-Երբ փոքր էի, ցանկանում էի դառնալ դերասան: Նունսյնիկ 7 տարի աշխատել եմ տիկնիկային թատրոնում:

Ապագայում ցանկանում է Հայաստանում զարգացնել սոցիալական աշխատանքի ոլորտը

Անժելա Ավագյան

2017 թ-ին ավարտել է հայ-ամերիկյան Էրեբունի բժշկական քոլեջը, մասնագիտությամբ բուժքույր է:

-Երբ փոքր էի, երազում էի նկարչուհի լինել:

Ապագայում ցանկանում է շուրջերկրյա ճանապարհորդության մեկնել:

Ալեքսիս Ավագյան

Հայազգի ջազմեն- սաքսոֆոնահար:

Օվսաննա Գևորգյան

Այժմ ուսանում է ազգային ագրարային համալսարանում՝ անասնաբույժի մասնագիտությամբ:

-Երբ փոքր էի, երազում էի ռետրո հեռախոսների խանութ ունենալ:

Ապագայում ցանկանում է ունենալ իր սեփական ֆերման ու կլինիկան:

Վահագն Հայրապետյան

Ջազմեն -դաշնակահար է: Ավարտել է Կոմիտասի անվան Երևանի պետական Կոնսերվատրիայի կոմպոզիտորական ֆակուլտետը:

-Թե ինչ պիտի դառնամ, բոլորին պարզ էր՝ ինձ էլ: Ու դարձա:

Ցանկանում է միշտ կատարելագործվել: «Ուզում եմ վաղն ավելի լավ նվագել, քան այսօր, մյուս օրը՝ ավելի լավ, քան վաղը: Ու ամեն անգամ նվագել ավելի լավ երաժիշտների հետ, որ աճեմ, զարգանամ: Էդ զարգացմանը վերջ չկա»,- ժպտալով ավելացրեց երաժիշտը: