ԵՐԵՎԱՆ, 5 նոյեմբերի — Sputnik. Ռուսաստանում 10-ից 5 կգ-ի է կրճատվել ինքնաթիռում անվճար փոխադրվող ուղեբեռի նվազագույն քաշը: Այս մասին հաղորդում է ՌԻԱ Նովոստին՝ հղում անելով ՌԴ տրանսպորտի նախարարությանը:
Ուղեբեռի փոխադրման վերաբերյալ օդային փոխադրումների կանոնների փոփոխություններն ուժի մեջ են մտնում նոյեմբերի 5-ից: Տրանսպորտի նախարարության փոփոխությունն ավելի վաղ հրապարակվել է իրավական տեղեկատվության պաշտոնական ինտերնետային պորտալում:
Նախորդ կանոնների համաձայն՝ ձեռքի ուղեբեռի 10 կիլոգրամը անվճար փոխադրման էր ընդունվում և՛ վերադարձվող, և՛ չվերադարձվող տոմսերի դեպքում: Տեղափոխողը ինքն էր որոշում, թե ինչպես է փոխադրելու բեռը՝ ուղեբեռով, թե ձեռքով:
Բազմաթիվ ավիաընկերություններ այսօր թույլատրվել են սրահ տանել 10 կիլոգրամանոց ճամպրուկ, բայց բեռնախցիկում բեռների փոխադրման համար գանձել են լրացուցիչ վճար:
Այսուհետ ավիաընկերությունը պարտավոր է անվճար ընդունել մինչև 5 կգ ձեռքի բեռ, սակայն փոխադրողն՝ իր հայեցողությամբ, կարող է ավելի շատ անվճար բեռների փոխադրում կատարել:
Հետադարձ տոմս ունեցող ուղևորները կկարողանան վերցնել իրենց հետ 10-30 կգ ուղեբեռ՝ առանց լրացուցիչ ծախսերի:
Տրանսպորտի նախարարությունն ավիաընկերություններին տրամադրել է երեք տեսակի սակագին՝ առանց վերադարձման՝ առանց անվճար ուղեբեռի նորմի, առանց վերադարձման՝ ուղեբեռի անվճար նորմով, և վերադարձվող՝ ուղեբեռով:
«Սույն սակագներից որևէ մեկի ընտրության ժամանակ ուղևորը իրավունք ունի ինքնաթիռով ձեռքի ուղեբեռի անվճար փոխադրման», — ասվում է փաստաթղթում:
Բացի այդ, փոխադրման համար նախատեսված անվճար ապրանքների ցանկը կրճատվել է (բացի ձեռքի բեռից): Նախկինում այն ընդգրկում էր 16 անուն ապրանք՝ ներառյալ կանացի պայուսակ կամ պայուսակ, թղթապանակ, հովանոց, ձեռնափայտ, ծաղկեփունջ, արտաքին հագուստ, գրքեր կամ ամսագրեր, բջջային հեռախոս, ֆոտոխցիկ, տեսախցիկ, նոթբուք, կոստյում, մանկական օրորոց, հենակներ, ծալովի ապամոնտաժող սայլակ:
Այժմ այս ցանկից հանված են համակարգիչը, բջջային հեռախոսը և հովանոցը: Տրանսպորտի նախարարությունում դա բացատրել են պայուսակի մեջ այդ իրերը դնելու հնարավորությունով: Բայց ցուցակում ավելացել է մեջքի պայուսակ:
