ԵՐԵՎԱՆ, 4 նոյեմբերի — Sputnik. Նոյեմբերի 4-ին «Եռաբլուր» պանթեոնի տարածքում ավելի քան 2000 ծառ է տնկվել՝ ծառապատելով շուրջ 5 հեկտար տարածք։ Այս մասին հայտնում է ՀՀ պաշտպանության նախարարությունը։
Ծառատունկին մասնակցել են ՀՀ ՊՆ, ԶՈւ և ԶՈւ ԳՇ ղեկավար կազմը, զինվորականներ, ազատամարտիկներ, պետական այլ գերատեսչությունների, մասնավորապես՝ արտակարգ իրավիճակների նախարարության, ինչպես նաև հասարակական կազմակերպությունների ներկայացուցիչներ, պատանի երկրապահներ և դպրոցականներ:
«Եռաբլուր» զինվորական պանթեոնի տարածքի ծառապատման ծրագրի շրջանակում նախատեսվում է ծառատունկ իրականացնել ավելի քան 10 հեկտար տարածքում։
