«Քանի որ փաստաբանը դատավարության ընթացքում հատուկ դեր ունի, համարվում է պաշտպան, հակառակվում է մեղադրող կողմին, շատ կարևոր է, որ սանկցիան չկիրառվի անմիջապես դատարանի կողմից»,- ասում է Վարդանյանը` հավելելով, որ ներկա օրենսդրությամբ, դատարանը նման դեպքերում փաստաբանի նկատմամբ կարգապահական սանկցիա կիրառելու համար դիմում է փաստաբանների պալատ։
Դավիթ Վարդանյանի համոզմամբ, դատական նոր օրենսգիրքը ոչ միայն դրական ազդեցություն չի ունենալու, այլև հակառակը` ավելի է խորացնելու այսօր դատական համակարգում առկա բացասական երևույթները։
«ՀՀ դատական օրենսգրքի» նախագիծը ներառված է ԱԺ-ի օրակարգում։ Անցած շաբաթ ԱԺ-ն առաջին ընթերցմամբ ընդունել է այն։
Փաստաբանների պալատը հայտարարություն է տարածել, որտեղ անթույլատրելի և հակասահմանադրական է որակում փաստաբանի նկատմամբ դատարանի կողմից որպես դատական սանկցիա տուգանքի կիրառումը։
