ԵՐԵՎԱՆ, 3 նոյեմբերի — Sputnik. Հայաստանի ԱԻՆ-ը դոնորներ կփնտրի հանրապետության սեյսմիկ կայանների արդիականացման համար, այսօր խորհրդարանում 2018 թվականի պետական բյուջեի նախագծի քննարկման ժամանակ հայտնեց ՀՀ արտակարգ իրավիճակների նախարար Դավիթ Տոնոյանը։
Սեյսմիկ կայանների վերազինումը նախատեսվում է իրականացնել հնգամյա ծրագրի շրջանակում։
Տեխնիկական սարքավորումներն ակնկալում են ստանալ Համաշխարհային բանկից ու այլ դոնորներից, իսկ աշխատակիցներին ուզում են կրճատել։ 2018 թվականին սեյսմիկ ծառայության բյուջեն կկրճատվի 7,8%-ով ու կկազմի 733,9 դոլար։
Այսպես, 2017 թվականի ամռանը կառավարությունը որոշում է կայացրել ծառայության կենտրոնական աշխատակազմից 10 մարդ կրճատել, իսկ մարզային ստորաբաժանումներից` 40 մարդ։
Նախարարն անդրադարձավ նաև սահմանի մոտ նոր քաղաքացիական պաշտպանության կետերի ստեղծմանը։
Նախատեսվում է ՀՀ ԱԻՆ աշխատակիցներին Երևանից տեղափոխել սահմանամերձ քաղաքացիական պաշտպանության կետեր, հայտնեց Տոնոյանը։
ԱԻՆ առաջնահերթություններից մեկն է նման հենակետերի աջակցությունը: Արդեն 10 կետ է ստեղծվել, որոնք հագեցած են բյուջեի խնայողությունների գումարների հաշվին: Իսկ անձնակազմը հավաքվել է կենտրոնական ապարատի կրճատման և մոտ 250 մարդու շրջաններում տեղաբաշխելու ճանապարհով:
Նախարարի խոսքով` այս պրակտիկան կշարունակվի մինչև 2017 թվականը։
