ԵՐԵՎԱՆ, 3 հոկտեմբերի — Sputnik. Հունաստանում շարունակվող շախմատի Եվրոպայի թիմային առաջնության 6-րդ տուրում Լևոն Արոնյանը սպիտակներով պարտության մատնեց Շաքրիար Մամեդյարովին:
Գաբրիել Սարգսյանի և Արկադի Նայդիչի խաղը ոչ-ոքի ավարտ ունեցավ։
Նախորդ 5 տուրերում Հայաստանի հավաքականը տարել է 3 հաղթանակ, 2 մրցամարտ ավարտել ոչ-ոքի և 8 միավորով բաժանում է 2-5-րդ տեղերը:
Եվրոպայի տղամարդկանց թիմային առաջնությանը մասնակցում են 39 թիմ։ Հայաստանի հավաքականի կազմում ընդգրկված են Լևոն Արոնյանը, Գաբրիել Սարգսյանը, Սերգեյ Մովսեսյանը, Հրանտ Մելքումյանը, Հովհաննես Գաբուզյանը (մարզիչ՝ Արշակ Պետրոսյան):
Կանանց առաջնությունում խաղում են 32 թիմ։ Հայաստանի հավաքականի կազմում են Էլինա Դանիելյանը, Լիլիթ Մկրտչյանը, Լիլիթ Գալոյանը, Մարիա Կուրսովան, Մարիա Գեւորգյանը, մարզիչը Արթուր Չիբուխչյանն է:
Եվրոպայի թիմային առաջնությունը մեկնարկել է հոկտեմբերի 28-ին և կավարտվի նոյեմբերի 6-ին: Առաջնությունն անցկացվում է Հունաստանում։
