ԵՐԵՎԱՆ, 2 նոյեմբերի – Sputnik. Պետական հատվածը պետք է կրճատվի, բայց ոչ՝ տնտեսելու նկատառումներով, հինգշաբթի մամուլի ասուլիսի ժամանակ հայտարարել է վարչապետ Կարեն Կարապետյանը:
Պետք չէ ասել, որ Հայաստանի կառավարությունը զրկում է մտավորականներին իրենց եկամուտներից, ասել է Հայաստանի կառավարության ղեկավարը:
Պետական հատվածից ստիպված ենք ազատելու մարդկանց, բայց ոչ այն պատճառով, որ իշխանությունները նրանց հաշվին լրացուցիչ դրամ են տնտեսում, ընդգծեց նա: Եթե պետական կազմակերպությունները համարվում են զբաղվածության վայր, ապա ինչո՞ւ, ըստ այդ տրամաբանության, պետական սեկտորը երկու կամ երեք անգամ չմեծացնել: Այդ դեպքում պարզ չէ, թե ինչու են հարկատուներն այս ամենի համար վճարում:
Իշխանություններն, իսկապես, ցանկանում են կրճատել 5500 հոգու՝ արդյունավետության նկատառումներից ելնելով, և այստեղ բախվում են դժգոհության պատին:
«Մեզ անմիջապես ասում են` դուք ստեղծում եք սոցիալական լարվածություն: Դուք ազատում եք բժիշկների և ուսուցիչների: Արդյո՞ք չկան այնպիսի ուսուցիչներ, որոնք պետք է չզբաղվեն այդ գործով, չկա՞ն բժիշկներ, որոնք, ավելի լավ կլիներ, ընդհանրապես չգային այս գործին», — հավելեց Կարապետյանը:
Նշենք, որ 2018 թ.-ին Հայաստանի կառավարությունը մտադիր է կրճատել մոտ 1570 բուժաշխատողի, կրթության բնագավառի 2800 աշխատակցի, մոտ 780-ը քաղաքացիական ծառայողի:
