Հայաստանն իրականում փաստացի աճ ունի, բայց այլ երկրների համեմատ դիրքերը զիջել է 9 հորիզոնականով։ Կառավարության նիստում, մեկնաբանելով Համաշխարհային բանկի Doing Business զեկուցում Հայաստանի 9 հորիզոնականով նահանջելու հանգամանքը, այս մասին ասել է վարչապետ Կարեն Կարապետյանը։
«Մենք պետք է ֆիքսենք այլ կարևոր ռեյտինգներում մեր երկրի համար արձանագրված առաջընթացը, մասնավորապես՝ Համաշխարհային տնտեսական ֆորումի Մրցունակության զեկույցում 79-րդ հորիզոնականից 73-րդ բարձրանալը, տնտեսական ազատության ինդեքսով 54-րդ բարձրացել ենք 33 հորիզոնականը։ Սա նշանակում է, որ այսուհետ գնահատվող ցուցանիշներից յուրաքանչյուրի գծով անհրաժեշտ առաջընթացը պետք է դառնա յուրաքանչյուր պատասխանատու կառույցի աշխատանքի հիմնական գնահատականներից մեկը»,- ասել է Կարապետյանը։
Այդուհանդերձ, վարչապետը չի թաքցրել, որ չնայած նախկինում հենց այդ ոլորտների բարելավմանն ուղղված մի շարք հանձնարարականներին, դրանցում անկում է արձանագրվել։
Ուստի վարչապետը դարձյալ մի շարք հանձնարարականներ է տվել տնտեսական զարգացման և ներդրումների նախարարին և ՀՀ Ռազմավարական նախաձեռնությունների կենտրոնի տնօրենին։
