ԵՐԵՎԱՆ, 2 նոյեմբերի–Sputnik. 2017 թվականի օգոստոսի 7-ին «Վեոլիա ջուր» ընկերությունը դիմել է Հանրային ծառայությունները կարգավորող հանձնաժողով ու ներկայացրել սակագների վերանայման հայտ: Առաջարկվել է խմելու ջրի մատակարարման և ջրահեռացման ծառայությունների մատուցման սակագինը հաջորդ տարվա համար ավելացնել 14.3 դրամով:
«Հայտը գտնվում է հանձնաժողովի ուսումնասիրության փուլում: Ուսումնասիրությունից հետո, եթե Հանրային ծառայությունները կարգավորող հանձնաժողովը որոշում կայացնի 2018 թվականի համար խմելու ջրի մատակարարման և ջրահեռացման ծառայությունների մատուցման սակագների բարձրացման վերաբերյալ, կառավարությունն անհրաժեշտ է կհամարի ընկերության հետ համատեղ մանրածախ սակագների պահպանման ուղղությամբ լուծումներ գտնել»,– ասաց Կարապետյանը:
Վարչապետը ջրային տնտեսության պետական կոմիտեի նախագահին հանձնարարեց որոշման նախագիծ ներկայացնել սակագնի պահպանման վերաբերյալ:
