ԵՐԵՎԱՆ, 2 նոյեմբերի — Sputnik. Ադրբեջանական կողմը կրակոցներ է արձակել հայ-ադրբեջանական սահմանագոտու հյուսիսարևելյան հատվածում: Այս մասին Sputnik Արմենիային ասաց պաշտպանության նախարարի մամուլի խոսնակ Արծրուն Հովհաննիսյանը:
«Ոչ ոք չի տուժել, աննշան կրակոցներ են եղել, վիրավորներ չկան»,-ասաց նա:
Նա նշեց, որ հակառակորդը կրակոցներ արձակել է նաև գյուղերի ուղղությամբ:
Նշենք, որ անցած շաբաթվա ընթացքում իրադրությունը արցախա-ադրբեջանական հակամարտ զորքերի շփման գծում նախորդ շաբաթվա համեմատ լարված էր եղել: Հակառակորդը բացի հրաձգային զինատեսակներից, հայ դիրքպահների ուղղությամբ կիրառել է նաև «ՍՊԱՅԿ» տիպի հակատանկային կառավարվող հրթիռներ, տարբեր տրամաչափի ականանետներ ու նռնականետներ:
