ԵՐԵՎԱՆ, 1 նոյեմբերի — Sputnik. RT հեռուստաալիքի և «Ռոսիա սեգոդնյա» միջազգային տեղեկատվական գործակալության գլխավոր խմբագիր Մարգարիտա Սիմոնյանը «Ֆորբս» ամսագրի ամենաազդեցիկ կանանց ցուցակում առաջ է անցել ԱՄՆ նախկին պետքարտուղար Հիլարի Քլինթոնից: Այս մասին հայտնում է ՌԻԱ Նովոստին:
Ցուցակում Քլինթոնից առաջ է անցել նաև Ռուսաստանի Կենտրոնական բանկի տնօրեն Էլվիրա Նաբիուլինան:
«Ֆորբսի» ցուցակը գլխավորում է Գերմանիայի կանցլեր Անգելա Մերկելը:
Սիմոնյանի անունն առաջին անգամ է ընդգրկվել այս ամսագրում։
«Դեռ մեկ տարի առաջ մարդկանց մեծամասնությունը չգիտեր` ով է Մարգարիտա Սիմոնյանը։ Այսօր նրա անունը հոլովվում է տեխնոլոգիական, քաղաքական ու լրատվական շրջանակներում»,- գրում է Forbes-ը։
Սիմոնյանի անունն ընդգրկելով ամենաազդեցիկ կանանց ցուցակում` ամսագիրը նշել է նաև հեռուստաընկերության աճող ազդեցությունը։ ԱՄՆ-ն ամերիկյան ընտրությունների գործընթացների վրա ազդելու մեղադրանքներ է ուղղել RT-ին:
