ԵՐԵՎԱՆ, 1 նոյեմբերի — Sputnik. ՀՀ նախագահ Սերժ Սարգսյանը Մոսկվայում ստորագրեց Ռուսաստանից 100 մլն դոլարի ռազմական վարկի համաձայնագիրը, ՌԻԱ Նովոստիի հետ հարցազրույցում հայտնել է ՀՀ նախագահ Սերժ Սարգսյանը։
«Մինչև տարեվերջ մենք կիրագործենք նախորդ համաձայնագրի կետերը։ Օրերս սպասում ենք նոր մատակարման և մինչև տարեվերջ կլուծենք բոլոր հարցերը»,- ասել է Սերժ Սարգսյանը։
20145 թվին Ռուսաստանի հետ համաձայնագիր էր ստորագրվել Հայաստանին 200 մլն դոլարի վարկ տրամադրելու մասին, որը պետք է ուղղվեր ռուսական արտադրության զինամթերք ձեռ բերելու նպատակով։
«Մենք Երևանում արդեն ստորագրել ենք պայմանագիր, որը պետք է անցնի հայկական ու ռուսական համապատասխան ատյաններով, այնուհետև՝ վավերացվի։ Դրանից հետո մենք կսկսենք աշխատել ռուսական արտադրողների հետ։ Ցավոք, դա շատ արագ տեղի չի ունենա»,- ասել է Հայաստանի նախագահը։
Ըստ հոկտեմբերի 12-ին ընդունած ՀՀ կառավարության որոշման՝ Ռուսաստանը Հայաստանին տրամադրում է 100 մլն դոլարի ռազմական վարկ։ Այն տրվում է 15 տարի մարման ժամկետով `տարեկան 3%-ով: Հայաստանը պետք է օգտագործի վարկային միջոցները 2018-2022 թվականներին:
