ԵՐԵՎԱՆ, 1 նոյեմբերի — Sputnik. Շախմատի Եվրոպայի թիմային առաջնության չորրորդ տուրում Հայաստանի կանանց հավաքականը նվազագույն 2.5:1.5 հաշվով առավելության հասավ Հունաստան-1-ի նկատմամբ, տեղեկացնում է Հայաստանի ազգային օլիմպիական կոմիտեն:
Էլինա Դանիելյանը, Լիլիթ Մկրտչյանը և Լիլիթ Գալոյանը ոչ-ոքի խաղացին, իսկ Մարիա Գեւորգյանը չորրորդ խաղատախտակի առջև վաստակեց հաղթական միավորը:
Դրան զուգահեռ, Հայաստանի տղամարդկանց հավաքականը չկարողացավ հաղթել Խորվաթիայի ընտրանուն՝ 2:2:
Ոչ-ոքի խաղացին Լեւոն Արոնյանը, Սերգեյ Մովսեսյանը, Գաբրիել Սարգսյանը եւ Հրանտ Մելքումյանը:
