ԵՐԵՎԱՆ, 31 հոկտեմբերի — Sputnik. Հայտնի հումորիստ, շոումեն Գարիկ Մարտիրոսյանի կինը`Ժաննա Լևինա ծաղրել է Քսենյա Սոբչակին և Եկատերինա Գորդոնին։ Instagram–ի իր էջում Լեվինան տեսանյութ է հրապարակել, որում ասում է, որ որոշել է հետևել նրանց օրինակին և իր թեկնածությունը առաջադրել ՌԴ նախագահի ընտրություններին։
«Հարգելի իմ հետևորդներ, Comedy–ում ինձ աշխատանքի չվերցրին, այդ պատճառով ես որոշեցի հետևել Սոբչակի և Գորդոնի օրինակին և իմ թեկնածությունն առաջադրել նախագահական ընտրություններում։ Ինչպես ասում են` Աստված երրորդություն է սիրում»,–գրել է Ժաննան։
«Ընտանիքիս օգնել եմ բարգավաճել, երկրին էլ կօգնեմ։ «Յուրահատուկ երկիր» կուսակցություն»,–տեսանյութի տակ գրել է նա։
Ժաննան անգամ իր նախընտրական ծրագիրն է գրել։ Եթե ընտրվի Ռուսաստանի նախագահի պաշտոնում, ապա առաջին հերթին այնպես կանի, որ Instagram–ում հնարավոր լինի ավելի երկար տեսանյութեր տեղադրել։
Մի բան պարզ է` Մարտիրոսյանի կինն ամուսնուն չի զիջում հումորի հարցում։
