ԵՐԵՎԱՆ, 31 հոկտեմբերի. – Sputnik, Անի Լիպարիտյան. «Ռուսաստանի ուսանողության գեղեցկությունը» տաղանդի և նրբագեղության մրցույթին մասնակցությունը թույլ է տալիս ինքնակատարելագործվել: Այդ մասին Sputnik Արմենիային տված հարցազրույցում ասել է Վոլգոգրադից Էդիտա Կարապետյանը:
Աղջիկը կարծում է, որ դա լավ փորձություն է, որտեղ պարզ է դառնում, կկոտրվես, թե ոչ:
«Մրցույթին մասնակցելու հրավերը ստացել եմ իմ համալսարանից (Վոլգոգրադի պետական համալսարան), քանի որ նախկինում հաղթել եմ ալմա մաթերի «Իմիջ ՎոլԳՈւ» մրցույթը:
Նման մրցույթների Վոլգոգրադի պետական համալսարանի մագիստրատուրայի «Սոցիալական աշխատանքի» ֆակուլտետի ուսանողուհին նախկինում չի մասնակցել, սա նրա դեբյուտն է:
Էդիտան ծնվել է Ռուսաստանում, իսկ պատմական հայրենիքում միայն մեկ անգամ է եղել: Չնայած դրան, հայրենիքի հետ նրան շատ բան է կապում:
«Ես ծնվել եմ Ռուսաստանում, բայց ես սիրում եմ իմ լեզուն, մեր ավանդույթները, բայց միևնույն ժամանակ սիրում եմ նաև Ռուսաստանը, որտեղ ես ապրում եմ և զարգանում: Սա իմ տունն է», —ասել է ՎՊՀ ուսանողուհին:
Հայուհին ընդամենը 23 տարեկան է, 18 տարի է նա պարում է: Աղջիկը պնդում է, որ պարերը նրան հատուկ էմոցիաներ են պարգևում:
«Իմ հարազատները միշտ աջակցում են ինձ, հատկապես մայրիկս: Այս մրցույթին էլ նա իմ կողքին է: Նա միշտ ճիշտ խոսքեր է գտնում աջակցելու համար», — ասում է «Ռուսաստանի Ուսանողության գեղեցկություն» մրցույթի մասնակիցը:
Էդիտան կարծում է, որ մրցույթներին մասնակցելը անգնահատելի փորձ է: Տարեցտարի մրցույթը որոշակի փոփոխություններ է կրում:
«Առաջ ես գնում էի մասնակիցների հետ, օգնում նրանց և տեսնում էի, թե ինչպես է այդ ամենը կատարվում: Իսկ այս տարվա միջոցառումը բոլորովին այլ էր», — ասաց նա:
Նրա խոսքով` նվազագույնը վեց մրցույթային փորձություն կա առջևում:
«Այս տարի շատ բաներ, այդ թվում` հաղթանակը, կախված կլինեն մարդու ներքինից: Ժյուրին միայն արտաքին տեսքին չի նայելու ու գնահատի: Իհարկե, որոշ փուլեր բարդ կլինեն, բայց ես կարծում եմ, որ կհաղթահարեմ դրանք », — նշեց Էդիտան:
Խոսելով մոդելի կարիերայի մասին` աղջիկը նշեց, որ ինքը չի փորձել իրեն որպես ֆոտոմոդել, բայց դեմ չէր լինի նման փորձ անցնել:
