ԵՐԵՎԱՆ, 30 հոկտեմբերի — Sputnik. Արմավիրի «Մանուշակ» մանկապարտեզում արտակարգ դեպք է գրանցվել։ Դանակով անձը մտել է մանկապարտեզ և պատանդ վերցրել ներսում գտնվողներին։
Այս լուրը Sputnik Արմենիայի հետ զրույցում հաստատեցին ՀՀ ոստիկանության հասարակության հետ կապերի բաժնից։
«Այսօր, մոտավորապես ժամը 16.25-ին Արմավիրի Բաղրամյան փողոցում գտնվող «Մանուշակ» մանկապարտեզից ահազանգ է ստացվել, որ դանակով զինված անձը մտել է մանկապարտեզ և հարձակվել իրենց վրա։ Պատանդառուի պահանջները դեռ հայտնի չեն»։
Այս պահին դեպքի վայրում աշխատում են Ոստիկանության, Ազգային անվտանգության ծառայության և քննչական վարչության աշխատակիցները։
