ԵՐԵՎԱՆ, 28 հոկտեմբերի — Sputnik. Անկարայի քաղաքապետ Մելիհ Գյոքչեքը հրաժարական է տվել Թուրքիայի նախագահ Ռեջեփ Թայիփ Էրդողանի պահանջով, հաղորդում է ընդդիմադիր Cumhuriyet պարբերականը։
«Ես քաղաքապետի պաշտոնը թողնում եմ ոչ թե նրա համար, որ հաջողության չեմ հասել, հոգնել եմ կամ այլ պատճառով, այլ այն պատճառով, որ դա Ռեջեփ Թայիփ Էրդողանի պահանջն է»,- հայտարարել է նա։
Գյոքչեքը հայտնի դարձավ սկանդալային այն պատմությունից հետո, երբ Բունդեսթագի «կանաչների» կուսակցությունից Ջեյմ Օզդեմիրին վիրավորելու համար նրան «հայ» անվանեց։ Նա Անկարայի քաղաքապետն է 1994 թվականից։ Միաժամանակ, նա երկրում իշխող Արդարության ու զարգացման կուսակցության անդամ է։
