ԵՐԵՎԱՆ, 28 հոկտեմբերի — Sputnik, Արմենուհի Մխոյան. Այսօր Գյումրիում բացվեց Հայաստանում լեհերի միության «Պոլոնիա» պաշտոնական նստավայրը:Լեհական համայնքը Շիրակի մարզում մեծ չէ, որոշ տվյալներով՝ 38 ընտանիք, որից 10-ը՝ 50 մարդ, բնակվում է Գյումրիում: Ընդհանուր առմամբ, Հայաստանում, ինչպես իրենք են ասում՝ լեհական արմատներում 500 հայ է այսօր բնակվում: Հայաստան եկած լեհերի ճակատագիրը տարբեր է, տարբեր պատճառներով ու տարբեր ժամանակներում են Հայաստան եկել՝ 17-20-րդ դարերում:
«Հիմնականում, նրանք այսօր չգիտեն լեհերն ու մոռացել են ազգային ավանդույթները, հենց այս կերպ փորձ է արվում վերականգնել»,- նշում է ՀՀ Լեհաստանի դեսպանության գործերի ժամանակավոր պաշտոնակատար Մարեկ Ռեշուտան:
Արտյոմ Կորլովիչի պապի հայրը Հայաստան է եկել ռուսական կայսրության ժամանակ՝ Ալեքսանդր երկրորդի օրոք անդրկովկասյան երկաթուղին կառուցելու համար:
«Պապս եկել ապրել ու մահացել է այստեղ: Կինն էլ էր լեհ, իսկ տատս արդեն հայ է: Ցավոք, լեհերն ես չգիտեմ, բայց իմ ու եղբորս զավակներն արդեն սովորել են, ավելին, նույնիսկ Լեհաստանում են եղել: Իմ երազանքն էլ է՝ գնալ ու տեսնել Լեհաստանը, ի վերջո, պապական երկիրս է, իսկ լեհերն որոշել եմ սովորել, կարծում եմ՝ դժվար չի լինի»,- նշում է Արտյոմ Կորլովիչը, որը երկար տարիներ ղեկավարում է Շիրակի մարզի «Դոմ Պոլսկի» կազմակերպությունը:
![Հայաստանում լեհերի միության «Պոլոնիա» կենտրոնի բացումը Հայաստանում լեհերի միության «Պոլոնիա» կենտրոնի բացումը - Sputnik Արմենիա](https://cdn.am.sputniknews.ru/img/924/88/9248828_0:0:2000:1256_600x0_80_0_0_08dffc113cd4398d0ee04bc5fe8a1a99.jpg)
![Հայաստանում լեհերի միության «Պոլոնիա» կենտրոնը Հայաստանում լեհերի միության «Պոլոնիա» կենտրոնը - Sputnik Արմենիա](https://cdn.am.sputniknews.ru/img/924/87/9248766_0:0:2000:1256_600x0_80_0_0_43b6f8077be562dd103d73b7056914d5.jpg)
![Արտյոմ Կորլովիչը՝ կնոջ հետ Արտյոմ Կորլովիչը՝ կնոջ հետ - Sputnik Արմենիա](https://cdn.am.sputniknews.ru/img/924/84/9248499_0:0:1999:1256_600x0_80_0_0_8eaa2086786a57cc969cd0491eaf0f8e.jpg)
![Հայաստանում լեհերի միության «Պոլոնիա» կենտրոնը Հայաստանում լեհերի միության «Պոլոնիա» կենտրոնը - Sputnik Արմենիա](https://cdn.am.sputniknews.ru/img/924/84/9248416_0:397:3263:2448_600x0_80_0_0_b713c11a826cf9342cb7e91407fe9cd9.jpg)
![Ագնիշա Վասիլչուկը Ագնիշա Վասիլչուկը - Sputnik Արմենիա](https://cdn.am.sputniknews.ru/img/924/88/9248892_0:0:2000:1256_600x0_80_0_0_470b6d70b87938a332348c8d77f70d25.jpg)
![Հայաստանում լեհերի միության «Պոլոնիա» կենտրոնը Հայաստանում լեհերի միության «Պոլոնիա» կենտրոնը - Sputnik Արմենիա](https://cdn.am.sputniknews.ru/img/924/86/9248642_0:109:2000:1366_600x0_80_0_0_bfede136bf3e3a924335094a657590aa.jpg)
![Հայաստանում լեհերի միության «Պոլոնիա» կենտրոնը Հայաստանում լեհերի միության «Պոլոնիա» կենտրոնը - Sputnik Արմենիա](https://cdn.am.sputniknews.ru/img/924/86/9248699_0:169:2000:1426_600x0_80_0_0_b31a53536ecdd45a24fe9ee9912cb4bc.jpg)
Լեհերեն սովորելն այդքան էլ դժվար չէ՝ պնդում է նաև Ագնիշա Վասիլչուկը, որն արդեն 7 տարի է՝ Հայաստանում լեհական արմատներ ունեցողներին լեհերն է սովորեցնում, ինքն էլ արդեն որոշ չափով հայերենին է տիրապետում ու հասցրել է սիրահարվել Հայաստանի բնությանը:
Գյումրիում լեհերի միության «Պոլոնիա» կենտրոնը գործում է 2008 թվականից, ու ինչպես փաստում է կենտրոնի տնօրեն, Հայաստանում «Պոլոնիա» լեհերի միության ղեկավարի ժամանակավոր պաշտոնակատար Լիանա Հարությունյանը, հատկապես վերջին տարիներին նկատվում է լեհերեն սովորելու ցանկություն հայտնողների թվի աճ:
Հայաստանում բնակվող լեհերի ժառանգներից շատերն են ցանկություն հայտնում նաև գնալ իրենց նախնիների երկիրը տեսնելու: Ի դեպ, պաշտոնական տվյալներով՝ տարեկան Հայաստանից Լեհաստան ավելի շատ մարդ է մեկնում, քան Վրաստանից ու Ադրբեջանից միասին վերցրած: Դրա պատճառը նաև Լեհաստանում գործող հայկական համայնքն է, որն այս տարի նշում է ձևավորման 650-ամյակը: