ԵՐԵՎԱՆ, 28 հոկտեմբերի – Sputnik. Հայ գործարար եւ բարերար Կարեն Ալեքսանյանը հուշարձան կտեղադրի բուլղարական պոեզիայի դասականի՝ «Հայերը» բանաստեղծության հեղինակ Պեյո Յավորովի պատվին, հաղորդում է Uniconbg.com-ը:
Յավորովը «Հայերը» բանաստեղծության հեղինակն է, որը մինչև հիմա ընթերցվում է բուլղարական դպրոցներում:
Հուշարձանը կհայտնվի Բուլղարիայի հնագույն մայրաքաղաք Պլիսկայում Ալեքսանյանի կողմից ստեղծված «Կիրիլիցայի բակի» տարածքում:
Արտակ Թժիկյանի ստեղծագործության քանդակը կբացվի նոյեմբերի 1-ին `Ազգային զարթոնքների (հասարակական և մշակութային գործիչների) օրը: Հուշարձանը ստեղծվել է Եվրոպայի հայերի միության միջոցներով:
Բացման արարողության ժամանակ «Զվեզդիցա» համույթի բուլղարացի դպրոցականները կկարդան Յավորովին հայկական զինվորական հրամանատար Գարեգին Նժդեհի ուղերձը, որը Բուլղարիայում հայտնի է որպես Թուրքիայի դեմ բալկանյան պատերազմի մասնակից:
Բուլղարիայում երկար տարիներ ապրող և աշխատող Հայաստանի քաղաքացի Կարեն Ալեքսանյանը, ներշնչվելով Հայաստանում մեսրոպյան այբուբենի քարե հուշարձանի գաղափարով, հիմնել է «Կիրիլիցայի բակը՝ նվիրված Բուլղրիայի Կիրիլիցային: Ալեքսանյանն այն նվիրեց Բուլղարիայում քրիստոնեության ընդունման 1150-ամյակին:
Յավորովի հուշարձանը կդառնա կիրիլիցայով գրողների ավելի քան 100 հուշարձանի և կիսանդրու հավաքածուի մի մասը: 10-ից ավելին արդեն պատրաստ են:
Հարցազրույցներից մեկում Ալեքսանյանը հայտարարեց, որ շատ ժողովուրդները արդեն հրաժարվել են կիրիլիցայից արևմտյան երկրների քարոզչության ճնշման ներքո, հրաժարվել են իրենց սեփական գրությունից և անցել լատինիցայի:
«Նման համալիրների ստեղծումը, հավանաբար, կդադարեցնի այդ գործընթացը: Դա, իսկապես, կարևոր լուրջ խնդիր է, որի մասին պետք է չլռել, քանի որ այդ էքսպանսիան, առաջին հերթին, հարված է ռուսական աշխարհին»,- ասաց բարերարը:
Հայկական ճարտարապետական եղանակներով նարնջագույն հայկական տուֆից փորագրված երկու մետրանոց քարե տառերը զարդարում են «Կիրիլիցայի բակի» տարածքը:
Քարե այբուբենի ստեղծման համար քանդակագործ Ռուբեն Նալբանդյանի գլխավորությամբ աշխատել է 12 հայ վարպետ:
