ԵՐԵՎԱՆ, 28 հոկտեմբերի — Sputnik. ԱՄՆ նոր հակառուսական պատժամիջոցները կարող են անդրադառնալ երրորդ երկրներին բարձր տեխնոլոգիական զենքի նմուշների՝ Ռուսաստանի վաճառքի վրա, հայտարարել է Միացյալ Նահանգների Պետդեպարտամենտի բարձրաստիճան ներկայացուցիչը, հայտնում է ՌԻԱ Նովոստին։
«Օրենքի այս հատվածն ազդում է Ռուսաստանի կառավարության պաշտպանության և հետախուզության ոլորտում անձանց հետ զգալի գործարքների վրա, որոնք կարող են ընդգրկել աշխարհի բարձր տեխնոլոգիական զենքի վաճառքը»,- ասել է գերատեսչության ներկայացուցիչը լրագրողներին։
Նա նշել է, որ ԱՄՆ նոր պատժամիջոցները Ռուսաստանին որպես մրցակից դաշտից հանելու մտադրություն չունեն։
«Մենք պատժամիջոցները չենք դիտարկում որպես մրցակցության գործիք։ Դա կոնգրեսի մտադրություն չէ, և իհարկե, վարչակազմի մտադրությունը չէ»,– հայտարարել է գերատեսչության ներկայացուցիչը։
