ԵՐԵՎԱՆ, 28 հոկտեմբերի – Sputnik. ԱՄՆ առաջնորդ Դոնալդ Թրամփը խոստացել է հրապարակել բոլոր փաստաթղթերը ԱՄՆ նախագահ Ջոն Քենեդու սպանության գործով: Այդ մասին հայտնում է Թրամփն իր Twitter- ի էջում:
«Գեներալ Ջոն Քելլիի (Սպիտակ տան ղեկավարի), ԿՀՎ-ի և այլ գործակալությունների հետ մանրակրկիտ քննարկումից հետո ես կհրապարակեմ Քենեդու գործով բոլոր փաստաթղթերը, բացառությամբ այն մարդկանց անունների և հասցեների, որոնք դեռևս ողջ են»,- գրել է Թրամփը:
#JFKFiles pic.twitter.com/AnPBSJFh3J
— Donald J. Trump (@realDonaldTrump) 28 октября 2017 г.
Նրա խոսքով՝ դա անում է «տեղեկատվության լիարժեք բացահայտման և թափանցիկության պատճառով»: Թրամփը նշել է, որ կանի դա, որպեսզի «վերջ դնի դավադրության տեսություններին»:
Հոկտեմբերի 27-ին Միացյալ Նահանգների Ազգային արխիվը Քենեդու սպանության վերաբերյալ հրապարակել է մոտ 3000 փաստաթուղթ: Ազգային արխիվի բացատրության մեջ նշվել է, որ Թրամփը Միացյալ Նահանգների գործադիր մարմինների և ստորաբաժանումների խնդրանքով որոշել է ժամանակավորապես չհրապարակել փաստաթղթերի մի մասը գաղտնի արխիվից: Այդ տվյալները կարող են վնասել երկրի ազգային անվտանգությանը:
