Գևորգ Գորգիսյան
«Զինծառայության ու զինծառայողների կարգավիճակի մասին» ՀՀ օրենքի նախագծի քննարկման ժամանակ «Ելք» խմբակցության անդամ Գևորգ Գեորգիսյանն իր ելույթում իշխանությանը մեղադրեց «Ազգ-բանակ» կոնցեպցիայով Հայաստանում ռազմական դիկտատուրա հաստատելու նպատակ հետապնդելու համար։
«Ո՞ւր էին ձեր պաթոսախառը ելույթները, երբ բանակը թալանում էին, երբ զինվորին թալանում էին»,- դիմելով իշխանամետ գործընկերներին ասաց ընդդիմադիր պատգամավորը։
Նա նաև մտավախություն հայտնեց, որ բոլոր 18 տարեկաններին զորակոչելը բացասաբար կազդի հենց բանակի որակի վրա, քանի որ բանակը զրկվելու է որակյալ մասնագետ կադրերից` ռազմական հոգեբաններից ու փորձագետներից։
