ԵՐԵՎԱՆ, 26 հոկտեմբերի — Sputnik. Այսօր՝ հոկտեմբերի 26-ին, ողբերգական դեպք է տեղի ունեցել Լոռու մարզում: Ժամը 19:00-ի սահմաններում Արտակարգ իրավիճակների նախարարության փրկարար ծառայության Լոռու մարզային փրկարարական վարչության Թումանյանի թիվ 40 հրշեջ-փրկարարական ծառայությունն ահազանգ է ստացել, որ Ալավերդի քաղաքի Սանահին- Սարահարթ թաղամասի 3-րդ զանգվածի 12-րդ շենքի 39 բնակարանի բնակիչը արդեն 3-րդ օրն է՝ չի արձագանքում դռան և հեռախոսազանգերին:
Ինչպես հայտնում է shamshyan.com-ը, փրկարարները ժամանելով նշված հասցե` ընթերականների ներկայությամբ, ինչպես նաև Ոստիկանության Թումանյանի բաժնի օպերատիվ խմբի հետ, բացել են տան դուռը, որտեղ հյուրասենյակում՝ սեղանի մոտ, հայտնաբերել են տանտիրոջ՝ 82- ամյա Սոֆյա Ասլանովայի դին` բերանքսիվայր ընկած:
Քանի որ սենյակում հայտնաբերվել են արնանման հետքեր, տեղում ժամանած դատաբժիշկը վերջնական եզրակացություն չի տվել:
