ԵՐԵՎԱՆ, 25 հոկտեմբերի—Sputnik. Հայտնի հումորիստ Միխայիլ Գալուստյանը չորեքշաբթի շնորհավորանքներ է ստանում ծննդյան օրվա առթիվ։ Ամենաօրիգինալն ու շոկայինը արտիստի համար «Սոյուզ» տիեզերական կայանից ստացած շնորհավորանքներն էին։
Instagram–ի լուսանկարներից մեկի տակ օգտատերերից մեկին պատասխանելով, Գալուստյանը գրել է, որ շատ զարմացել էր, երբ նրան տիեզերքից զանգահարեցին։
Տիեզերագնացները «Միշա, ծնունդդ շնորհավոր» գրությամբ լուսանկար են տեղադրել տիեզերական կայանի ապակուն։ Շնորհավորանքների հետ մեկտեղ պատկերված է Գալուստյանի ծաղրանկարը։ Ինքը` դերասանը, կատակով կոչ արեց «լուսանկարը չշրջել»։ Գրառման տակ ամենատարբեր մեկնաբանություններ հայտնվեցին։
Հումորիստի հետևորդներին այս գաղափարը դուր է եկել։ Նրանք անմիջապես սկսեցին մեկնաբանել տեսածը. «միանում եմ շնորհավորանքներին, տիեզերական առողջություն եմ մաղթում», «տիեզերքո՞ւմ ես», «Տիեզերագնացները լավ հումոր ունեն, տիեզերական ցնծության մեջ եմ, բարձրակարգ տրոլինգի է, լավ գործ են արել», «Ախպեր ջան, ծնունդդ շնորհավոր» և այլն։
