ԵՐԵՎԱՆ, 24 հոկտեմբերի — Sputnik. Միգրանտների փոխանցած գումարները կազմում են Հայաստանի ՀՆԱ-ի 13.9 տոկոսը։ Այս մասին նշված է Համաշխարհային բանկի «Միգրացիան և շարժունակությունը Եվրոպայում և Կենտրոնական Ասիայում» զեկույցում։
Այս տարի ցանկի առաջին հորիզոնականում Ղրղըզստանն է (37,1%), որին հաջորդում են Տաջիկստանը (28%) և ՀԱյաստանը։ Ցանկի հաջորդ հորիզոնականում Վրաստանն է (12%), այնուհետև Չեռնոգորիան (9,6%), Սերբիան (9%), Ալբանիան (8,7%), Ուկրաինան (7,2%), Ուզբեկստանը (3,9%) և Բուլղարիան (3,6%)
Հայաստանի տնտեսությունը 2017 թվականին վերականգնվել է մետաղի համաշխարհային գների կայունացման և մասնավոր ներդրումների ամրապնդումների ֆոնին։
ԿԲ-ի տվյալով` Հայաստանի բանկային համակարգով ֆիզիկական անձանց անունով օգոստոսին ոչ կոմերցիոն նպատակներով փոխանցվել է ավելի քան 174,5 մլն դոլար, ինչը 19,3%–ով շատ է նախորդ տարվա նույն ժամանակահատվածի ցուցանիշից։
