Մարո Մեսրոպյան
Կույրերի «Լույս» երգչախումբը խնդրում է աջակցել իրեն։ Խնդիրն այն է, որ երգչախումբը մոտ մեկ տարի է՝ փորձերն իրականացնում է Կույրերի միավորման Սոկրատ Շահնազարյանի անվան մշակույթի տանը, բայց մշակույթի տան տնօրեն Յուրի Ավետիսյանը հրաժարվում է կույրերին տրամադրել աշխատասենյակ։
«Եղիցի լույս կույրերին» բարեգործական ՀԿ նախագահ Մարո Մեսրոպյանը եթերի միջոցով դիմում է առաջին տիկին Ռիտա Սարգսյանին՝ խնդրելով օգնել կարգավորելու խնդիրը, քանի որ հենց Ռիտա Սարգսյանի միջնորդությամբ և գործարար Արա Աբրահամյանի միջոցներով կույրերի մշակույթի տունը հիմնովին վերանորոգվել է։
