Ռուսական «Ձայնը» նախագծի հայ մասնակիցը հաջորդ փուլ անցավ խորհրդային հայտնի ֆիլմի երգը հիանալի կատարելու շնորհիվ:
Դիանա Շալջյանը Օլիկա Գրոմովայի հետ «Մրցություն» փուլում ներկայացավ խորհրդային շրջանին բնորոշ զգեստով և երգեց «Լավ աղջիկներ» ստեղծագործությունը:
Աղջիկները գերազանց կատարեցին երգը, ինչի համար երկուսն էլ արժանացան Լեոնիդ Ագուտինի բարձր գնահատականին, բայց Լեոնիդը հաղթանակը շնորհեց Դիանային:
«Ես ուղղակի տեսնում եմ, թե ինչ կարող է անել Դիանան… Դիանային խնդրում եմ մնալ ինձ հետ», — ասաց Ագուտինը:
Դիանայի մրցակից Օլիկային էլ «փրկեց» թիմի մյուս մարզիչը` Ալեքսանդր Գրադսկին:
Խորհրդային դասական երգի ջազային մշակումով հանդես գալու գաղափարի հեղինակն Ագուտինն էր: Դիանան և Օլիկան ոգևորությամբ էին ընդունել առաջարկը: Աղջիկները պնդում են, որ հաջորդ փուլին պատրաստվելու ընթացքում հասցրել էին ընկերանալ և չէին ցանկանում բաժանվել:
