ԵՐԵՎԱՆ, 21 հոկտեմբերի — Sputnik. Գոնե մինչև 2019 թ-ը արտգործնախարար նախարար Էդվարդ Նալբանդյանը կմնա իր պոստում: Այս մասին գրում է «Հրապարակ» օրաթերթը` նշելով, որ իր աղբյուրների փոխանցմամբ, կրկին դեսպան (անգամ Ֆրանսիայի) դառնալն այնքան էլ նրա սրտով չէ:
«Նալբանդյանը գտել է մեկ տարի ավել ԱԳ նախարար մնալու էլիքսիրը. 2019-ի աշնանը Հայաստանում կկազմակերպվի Ֆրանկոֆոնիայի գագաթնաժողով, և քանի որ ժողովի «ալմա-մատերն» ինքն է, ինքն էլ պետք է իրականացնի»,- գրում է թերթը։
Ըստ հոդվածագրի` ֆրանսիական կողմը ցանկացել էր այլ քաղաքում համաժողովն անել, բայց Նալբանդյանը պնդել է Երևանի թեկնածությունը:
Թերթը հիշեցնում է, որ ընդամենը 2 տարի առաջ` դարձյալ աշնանը, Երևանում կրկին Ֆրանկոֆոնիայի համաժողով էր անցկացվել:
