Լաուրա Սարգսյան, Sputnik Արմենիա
«Վորոնեժ» միջազգային օդանավակայանի 500.000-րդ ուղևորը Հայաստանի քաղաքացի Զարուհի Հակոբյանն էր, որը Armenia ավիաընկերության օդանավով Վորոնեժից Երևան էր մեկնում ընտանիքով:
«Անփոխարինելի զգացողություն է, հուզված եմ անչափ: Երբեք նման բաների չեմ հավատացել: Ինձ թվացել է, որ այսպիսի հրաշքներ կարող են լինել միայն ուրիշների հետ», — Sputnik-ի թղթակցի հետ զրույցում ասաց Հակոբյանը:
Կինը երեք երեխայի հետ Երևան մեկնելիս օդանավակայանում տեսել է տոնական զարդարված սեղանը ու մտածել. «Ի՞նձ են այսպես դիմավորում»: Հետո այդ միտքն իրենից վանել է ու մոտեցել անձնագրերի գրանցման սեղանին:
«Սպասարկող անձնակազմը գրանցեց ինձ և շնորհավորեց: Նրանք ասացին, որ ես եմ հենց այդ 500,000-րդ բախտավորը: Մինչև հիմա մարմինս փշաքաղվում է», — ասաց Զարուհին:
![«Վորոնեժ» միջազգային օդանավակայանի 500.000-րդ ուղևորը Հայաստանի քաղաքացի Զարուհի Հակոբյանն է «Վորոնեժ» միջազգային օդանավակայանի 500.000-րդ ուղևորը Հայաստանի քաղաքացի Զարուհի Հակոբյանն է - Sputnik Արմենիա](https://cdn.am.sputniknews.ru/img/913/86/9138633_0:196:4267:2878_600x0_80_0_0_b3e5705ca01dc81810ca9f642f201ee4.jpg)
![«Վորոնեժ» միջազգային օդանավակայանի 500.000-րդ ուղևորը Հայաստանի քաղաքացի Զարուհի Հակոբյանն է «Վորոնեժ» միջազգային օդանավակայանի 500.000-րդ ուղևորը Հայաստանի քաղաքացի Զարուհի Հակոբյանն է - Sputnik Արմենիա](https://cdn.am.sputniknews.ru/img/913/84/9138407_0:0:1999:1256_600x0_80_0_0_635e555db40fc96056709a1a66640291.jpg)
![«Վորոնեժ» միջազգային օդանավակայանի 500.000-րդ ուղևորը Հայաստանի քաղաքացի Զարուհի Հակոբյանն է «Վորոնեժ» միջազգային օդանավակայանի 500.000-րդ ուղևորը Հայաստանի քաղաքացի Զարուհի Հակոբյանն է - Sputnik Արմենիա](https://cdn.am.sputniknews.ru/img/913/83/9138346_0:0:1999:1257_600x0_80_0_0_dd73fcdf8aa6bb5a38db96ab25fdc24d.jpg)
![«Վորոնեժ» միջազգային օդանավակայանի 500.000-րդ ուղևորը Հայաստանի քաղաքացի Զարուհի Հակոբյանն է «Վորոնեժ» միջազգային օդանավակայանի 500.000-րդ ուղևորը Հայաստանի քաղաքացի Զարուհի Հակոբյանն է - Sputnik Արմենիա](https://cdn.am.sputniknews.ru/img/913/82/9138278_0:6:2000:1264_600x0_80_0_0_2639a3fb389233f27f3225513aa7c68e.jpg)
![«Վորոնեժ» միջազգային օդանավակայանի 500.000-րդ ուղևորը Հայաստանի քաղաքացի Զարուհի Հակոբյանն է «Վորոնեժ» միջազգային օդանավակայանի 500.000-րդ ուղևորը Հայաստանի քաղաքացի Զարուհի Հակոբյանն է - Sputnik Արմենիա](https://cdn.am.sputniknews.ru/img/913/81/9138134_0:0:2000:1257_600x0_80_0_0_c89cc625b08a7daee0f0c6dbb4999976.jpg)
«Վորոնեժ» օդանավակայանի ներկայացուցիչները իսկական տոն էին կազմակերպել հոբելյանական ուղևորի համար։ Նրան հանձնեցին Վորոնեժից դեպի Թաիլանդ մեկնելու անվճար ուղեգիր`երկու անձի համար, ինչպես նաև մեկ տարի շարունակ անվճար սպասարկում Վորոնեժ օդանավակայանի երկու սպասասրահներում:
«Ուղևորների համար տոն կազմակերպելու ավանդույթը բնորոշ է աշխարհի բազմաթիվ օդանավակայաններին: Եվ մերն էլ բացառություն չէ: Բոլորը ցանկանում են ցույց տալ իրենց աշխատանքի արդյունքները: Ուրախ ենք, որ 500.000-րդ ուղևորը մեկնում է մեր եղբայրական երկիր` Հայաստան», — Sputnik Արմենիայի թղթակցի հետ զրույցում ասաց «Վորոնեժ» օդանավակայան տնօրեն Ալեքսանդր Բելևիչը:
Նրա խոսքով` օդանավակայանն անում է հնարավոր ամեն ինչ, որ Armenia ավիաընկերության ինքնաթիռները լիարժեք բեռնվածությամբ մեկնեն Երևան: Առավել ևս, որ Հայաստանը հետաքրքրում է ոչ միայն էթնիկ հայերին, այլև ռուսներին:
Armenia ավիաընկերության ղեկավարությանը նույնպես հաճելի էր, քանի որ հոբելյանական ուղևորը Երևան էր մեկնել իրենց չվերթով:
«Հաճելի է, որ մենք են տեղափոխում մեր գործընկերների հոբելյանական ուղևորին: Մենք Զարուհուն հանձնեցինք Երևան-Վորոնեժ-Երևան ուղևորության անվճար սերտիֆիկատ», — Sputnik Արմենիայի թղթակցի հետ զրույցում ասաց Armenia ավիաընկերության փոխտնօրեն Գևորգ Խաչատրյանը:
Armenia ավիաընկերությունը Երևան-Վորոնեժ-Երևան կանոնավոր չվերթը գործարկել է 2016 թվականի դեկտեմբերին:
Armenia-ն ներկա փուլում չվերթեր է իրականացնում նաև դեպի Մինվոդի, Թել Ավիվ, Բեյրութ, ինչպես նաև չարտերային չվերթեր` դեպի Բաղդադ, Էրբիլ, Սալոնիկ: Ավիաընկերությունը մտադիր է կանոնավոր չվերթեր գործարկել նաև նոր ուղղություններով։
Armenia-ի ավիապարկում երկու ինքնաթիռ կա` Boeing 737-500, Boeing 737-700։ Ընկերությունն ունի 53 աշխատակից։
Ավիաընկերության հիմնադիրներն են Աշոտ Թորոսյանը (51 տոկոս բաժնետոմս), Թամազ Գաիաշվիլին (24 տոկոս) և Ռոբերտ Օգանեսյանը (25 տոկոս): Հայաստանն ազգային ավիափոխադրողից զրկվել է 2013 թվականին` «Արմավիա» ընկերության սնանկացումից հետո: Այնուհետև ավիաշուկայում հայտնվել է AirArmenia ավիաընկերությունը, որն էլ 2014 թվականի հոկտեմբերին, հայտնվելով սնանկացման եզրին, դադարեցրել է թռիչքները։