Հայաստանում փոփոխվելու են հաշմանդամության սահմանման չափորոշիչները, և այդ ուղղությամբ արդեն աշխատանքներ են տարվում։
«Մեր քաղաքացիների այն մտավախությունը, որ հաշմանդամության երրորդ խմբեր չեն սահմանվելու, չի համապատասխանում իրականությանը, որովհետև լինելու են և՛ առաջին, և՛ երկրորդ, և՛ երրորդ խմբեր։ Սակայն փոխվելու են հաշմանդամության սահմանման կոնցեպցիան, մոտեցումները»,- ասաց Սիմոնյանը։
Ըստ նրա` այդ չափորոշիչների մեջ ներդրվելու են առողջապահության կազմակերպության, ֆունկցիաների դասակարգման կոդերը, որոնք չորսն են։ Այդ կոդերն արդեն մշակվել են և փորձարկման են ենթարկվում։
«Նրանք, ովքեր հաշմանդամ չեն ճանաչվելու, նրանց տրամադրվելու է անհատական ծրագիր»,- ասում է Սիմոնյանը։
Եթե հիմա առողջական խնդիր ունեցող անձը հաշմանդամ չի ճանաչվում, նա որևէ ծառայությունից չի կարող օգտվել, իսկ նոր կոնցեպցիայի շրջանակում օգտվելու է։ Նրա կարիքը գնահատվելու է և դրան համապատասխան տրամադրվելու է վերականգնողական անհատական ծրագիր։
