ԵՐԵՎԱՆ, 20 հոկտեմբերի — Sputnik. Հոկտեմբերի 20-ին, ժամը 18:14-ին Արտակարգ իրավիճակների նախարարությունն ահազանգ է ստացել, որ Երևան քաղաքի Հովհաննիսյան թաղամասի թիվ 24/2 շենքի բնակարաններից մեկի լոգասենյակի դուռը փակ է, ներսում գտնվող քաղաքացին վնասել է իրեն՝ կտրելով երակները. դուռը բացելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Փրկարարները բացել են լոգասենյակի դուռը. ներսում է եղել՝ 1963 թ. ծնված Ա. Գ.-ը, վերջինիս փրկարարները ուղեկցել են հյուրասենյակ:
Շտապօգնության աշխատակիցները Ա. Գ.-ին ցուցաբերել են համապատասխան բուժօգնություն, Ա. Գ.-ը հրաժարվել է հոսպիտալացումից:
