«Ты Супер» մրցույթի առաջին եթերաշրջանի մասնակիցների խոստովանությամբ, այս մրցույթը փոխել է նրանց կյանքը, հնարավորություն տվել իրականացնելու երազանքները, ինչպես նաև շատ նոր ընկերներ գտնել։
«Բացի այդ, այստեղ կարելի է նաև սովորել կատարյալ տիրապետել ռուսաց լեզվին»,– ասում է հայաստանյան մասնակից Անգելինա Պապիկյանը, որը մինչև մրցույթին մասնակցելն, ընդհանրապես, ռուսերեն չգիտեր։
«Ты супер!» մրցույթի երկրորդ եթերաշրջանի քասթինգի մասին ավելի վաղ հայտարարել էին ՆՏՎ հեռուստաալիքն ու Sputnik միջազգային գործակալությունն ու ռադիոն։ Հսկայական նախագծին մասնակցում են առանց ծնողական խնամքի մնացած երեխաները։
Սիրված շոուի երկրորդ եթերաշրջանը կօգնի դժվար ճակատագիր ունեցող տաղանդավոր երեխաներին հայտնել իրենց մասին և առաջին քայլերն անել մեծ բեմ բարձրանալու ճանապարհին։
«Ты супер!» մանկական երաժշտական մրցույթի պրեմիերան տեղի ունեցավ 2017 թվականի փետրվարի 11-ին ՆՏՎ հեռուստաալիքով։ Շոուի հաղթողները մասնակցեցին միջազգային հեղինակավոր առաջնությունների և միջոցառումների։
