ԵՐԵՎԱՆ, 18 հոկտեմբերի — Sputnik. Հայտնի շոումեն, հումորիստ Գարիկ Մարտիրոսյանը կնոջը`Ժաննա Լեվինա–Մարտիրոսյանին արգելել էր դառնալ Սոչիում անցկացվող Երիտասարդների և ուսանողների համաշխարհային փառատոնի դեսպանը։ Տանը մնալով` հայտնի շոումենի կինը հայկական խոհանոցի ամենահամեղ ճաշատեսակներից է պատրաստել ամուսնու համար։ Ժաննան տոլմա է փաթաթել։
Ավելի վաղ Ժաննա Լեվինա–Մարտիրոսյանը սոցցանցի իր էջում գրել էր, որ Սոչի ուղևորվելու փոխարեն, գնում է խոհանոց` տոլմա պատրաստելու։
«Ահա խոհանոցում եմ, ընթրիքի համար տոլմա եմ պատրաստում։ Բայց Երիտասարդների և ուսանողների համաշխարհային փառատոնի կազմակերպիչներին խոստանում եմ, որ բոլոր իրադարձություններին ուշադիր կհետևեմ հեռուստացույցով»,–գրել է Ժաննան։
Դատելով այս ամենից` Գարիկի կինը դեսպան դառնալու«անհաջող» փորձից հետո որոշել է համակերպվել ճակատագրի հետ ու տնային տնտեսուհի դառնալ։
