Վարդան Բոստանջյան
Հայաստանը հազարավոր առաջնահերթ սոցիալ-տնտեսական խնդիրներ ունի։ «Դրանք թողած հայկական ընտանիքներով են տարված»,- Եվրոպայի թելադրանքով Հայաստանում մշակված ու շրջանառության մեջ դրված «Ընտանեկան բռնության կանխարգելման եւ ընտանեկան բռնության ենթարկված անձանց պաշտպանության մասին» օրենքի նախագծի մասին ասում է ԱԺ «Ծառուկյան» դաշինքի պատգամավոր Վարդան Բոստանջյանը։
Պատգամավորը եվրոպական «սրտացավ» կառույցներին առաջարկում է գումարը ծախսել ի բարօրություն մեր երկրի։
«Աղքատությունը վերացնենք, աշխատատեղեր բացենք, փոքր ու միջին ձեռնարկատիրությունը զարգացնենք»,- առաջարկում է Բոստանջյանը` հավելելով, որ ընտանիքն այսօր Հայաստանում ամենաամուր հանրային կառույցն է։
