Նարինե Կիրակոսյան
Եթե ապօրինի անտառահատումները նույն տեմպերով շարունակվեն, 20 տարի հետո մենք ընդհանրապես անտառ չենք ունենա։ Sputnik Արմենիայի հետ զրույցում ասել է բնապահպանությամբ զբաղվող լրագրող Նարինե Կիրակոսյանը։
«Հաշվի առնելով նաև հրդեհներն ու կլիմայական փոփոխությունները` այսօր խիստ հրատապ է հատկապես հանրության էկոլոգիական գիտելիքները բարձրացնելու անհրաժեշտությունը»,- ասում է նա։
Անդրադառնալով Դիլիջանի անտառից ձմռան համար փայտ հատելու` հարակից գյուղերի բնակիչների հայտարարություններին, Նարինե Կիրակոսյանն արձագանքում է, որ գյուղացին փայտ է կուտակում նաև ամռանը`չոր թափուկներից։
Առաջացած խնդիրը լրագրողն ավելի շատ կապում է այս ոլորտում տարիներ շարունակ ձևավորված անպատժելիության մթնոլորտի հետ։
