ԵՐԵՎԱՆ, 16 հոկտեմբերի — Sputnik. ՌԴ-ում Հայաստանի դեսպանատունը պարզում է Մոսկվայում սպանված տղամարդու քաղաքացիությունը, ՌԻԱ Նովոստիին այս մասին հայտնել է դեսպանատան մամուլի խոսնակ Լևոն Թորգոմյանը:
Ինչպես ավելի վաղ ասել էր Մոսկվայի Քննչական կոմիտեի ղեկավարի ավագ օգնական Յուլյա Իվանովան, տղամարդուն սպանել են Մոսկվայի կենտրոնում, հարուցվել է քրեական գործ: Որոշ լրատվամիջոցներ տեղեկացրել են, որ զոհվածը հայաստանցի Գեորգի Հակոբջանովն է:
«Հայկական լրատվամիջոցները հաղորդել են, որ նա (զոհվածը) Հայաստանի քաղաքացի է, բայց այդ մասին պաշտոնական տեղեկություններ չունենք: Հիմա մենք դա պարզում ենք:», — ասաց Թորգոմյանը:
Ռուսաստանի հայերի միության փոխնախագահ Գերման Անանյանցն իր հերթին ասել է, որ մահացածը Միության հետ կապ չունի:
Ըստ հետաքննության վարկածի, երկուշաբթի առավոտյան Նովոսլոբոդսկայա փողոցում գտնվող բնակելի տների մոտ անհայտ անձինք սպանել են 1979թ-ին ծնված մի տղամարդու, որը տեղում մահացել է:
Մոսկվայի Ներքին գործերի վարչության մամուլի ծառայությունը հաստատել է, որ այդ փողոցում դիակ է հայտնաբերվել, սակայն մանրամասներ չի ներկայացրել: Ներքին գործերի նախարարության ներկայացուցչի խոսքով, այժմ ոստիկանությունը փնտրում է կրակողին:
