ԵՐԵՎԱՆ, 14 հոկտեմբերի — Sputnik. «Ժամանակ» թերթն ահազանգ է ստացել Նուբարաշենի հոգեբուժարանի հիվանդների հարազատներից, որ հոգեբուժարանների օպտիմալացման որոշումից հետո բժիշկները հիվանդների հարազատներից գումար են պահանջում՝ ասելով, թե այժմ նոր կարգ է գործում. կա՛մ իրենց հիվանդին պետք է տանեն տուն, կա՛մ ամեն ամիս 120 հազար դրամ վճարեն նրան հոգեբուժարանում պահելու համար:
«Սա այն դեպքում, երբ հոգեբուժարանում են հիմնականում հասարակության համար վտանգավոր հիվանդները»,- գրում է թերթը:
Հոդվածագիրը նշում է, որ Առողջապահության նախարարությունը հայտարարում էր, թե օպտիմալացման արդյունքում հիվանդները դուրս չեն հանվելու հոգեբուժարաններից:
