ԵՐԵՎԱՆ, 13 հկտեմբերի — Sputnik. Հունահռոմեական ոճի ըմբիշ, օլիմպիական խաղերի փոխչեմպիոն, աշխարհի և Եվրոպայի չեմպիոն Արսեն Ջուլֆալակյանն այսուհետև հանդես կգա ֆրանսիական «CPBesançon Lutte» ակումբի կազմում։ Այդ մասին օլիմպիական խաղերի արծաթե մեդալակիրը հայտնել է իր ֆեյսբուքյան էջում։
«Նպատակը Ֆրանսիայի գավաթը նվաճելն է»,- գրել է Ջուլֆալակյանը:
Արսեն Ջուլֆալակյանը Լոնդոնի 2012 թվականի Օլիմպիական խաղերի արծաթե, 2014 թվականի աշխարհի և 2009 թվականի Եվրոպայի առաջնությունների ոսկե մեդալակիր է:
