ԵՐԵՎԱՆ, 12 հոկտեմբերի — Sputnik. Այսօր՝ հոկտեմբերի 12-ին, խոշոր ու շղթայական ավտովթար է տեղի ունեցել Երևանում: Ժամը 17:00-ի սահմաններում Մյասնիկյան պողոտայում՝ «Վենեցիա» ռեստորանային համալիրի հարևանությամբ, բախվել են 12 տրանսպորտային միջոց։ Այս մասին հայտնում է shamshyan.com-ը։
Ըստ կայքի` վթարի հետևանքով 2 հոգի մարմնական վնասվածքներով տեղափոխվել են հիվանդանոց:
Դեպքի վայր են ժամանել Ճանապարհային Ոստիկանության 1-ին սպայական գումարտակի ծառայողները:
Դեպքի վայր են ժամանել նաև ապահովագրական ընկերությունների ներկայացուցիչները:
Ոստիկանությունը պարզում է վարորդների, վիրավորների ինքնությունը:
