ԵՐԵՎԱՆ, 11 հոկտեմբերի — Sputnik. Հայաստանի և «Մանչեսթեր Յունայթեդի» կիսապաշտպան Հենրիխ Մխիթարյանը ներառվել է խորհրդանշական հավաքականում, որում ընդգրկված ֆուտբոլիստները չեն մասնակցի Ռուսաստանում կայանալիք Աշխարհի առաջնությանը։ Կազմը հրապարակվել է sports.ru-ի բլոգերից մեկում։
Բացի Մխիթարյանից, հիմական կազմում ընդգրկվել են նաև դարպասապահ Յան Օբլակը (Սլովենիա), պաշտպաններ Դեյլի Բլինդն ու Վիրջիլ Վան Դեյքը (երկուսն էլ`Նիդեռլանդներից), Դավիթ Ալաբան (Ավստրիա), կիսապաշտպաններ Արթուր Վիդալը (Չիլի), Գարեթ Բեյլը (Ուելս), Քվինսի Փրոմեսը (Նիդեռլանդներ), հարձակվողներ Արիեն Ռոբենը (Նիդեռլանդներ), Պիեր-Էմերիկ Օբամենյագը (Գաբոն), Ալեքսիս Սանչեսը (Չիլի)։
Փոխարինողների կազմում ընդգրկվել են Սամիր Խանդանովիչը (Սլովենիա), Ստեֆան Սավիչը (Չեռնոգորիա), Ստեֆան դը Վրեյը և Քևին Սթրոթմանը (երկուսն էլ` Նիդեռլանդներից), Ահարոն Ռեմզին (Ուելս), Անդրեյ Յարմոլենկոն ու Եվգենի Կոնոպլյանկան (երկուսն էլ` Ուկրաինայից), Էլսեյդ Հյուսայը (Ալբանիա), Հաքան Չալխանօղլուն և Արդա Թուրանը (երկուսն էլ` Թուրքիայից), բոսնիացիներ Միրալեմ Պյանիչն ու Էդին Ջեկոն։
Ֆուտբոլի աշխարհի առաջնության եզրափակիչ փուլը կանցկացվի Ռուսաստանում 2018 թվականի հունիսի 14-ից հուլիսի 15-ը։
