ԵՐԵՎԱՆ, 9 հոկտեմբերի — Sputnik. «Մատչ ТВ» մարզական հեռուստաալիքը փոխանցվում է «Գազպրոմ-մեդիա» ժամանցային հեռուստաընկերությանը, որի գլխավոր տնօրենն Արթուր Ջանիբեկյանն է։ Այս մասին գրում է «Վեդոմոստին»` հղում անելով «Գազպրոմ մեդիա» հոլդինգի ներկայացուցիչ Իրինա Օսադչայային։
Մինչև այժմ հեռուստաալիքը կառավարում էր գլխավոր տնօրեն Դմիտրի Գրանովը, որի ղեկավարը «Գազպրոմ մեդիայի» գլխավոր տնօրեն Դմիտրի Չերնիշենկոն էր։ Այժմ հոլդինգի մարզական բաժինը կղեկավարի մեկ այլ սուբհոլդինգի`«Գազպրոմ-մեդիա» ժամանցային հեռուստաընկերության թիմը, իսկ Գրանովը կզբաղեցնի «Մատչի» գործադիր տնօրենի պաշտոնը։
Օսադչայայի խոսքով` «Մատչ ТВ»-ի գլխավոր տնօրենի գործառույթը կիրականացնի «Գազպրոմ-մեդիա» ժամանցային հեռուստաընկերությունը։ Սուբհոլդինգը նույն սխեմայով կառավարում է նաև ТНТ-ն։
Փաստորեն նշանակում է, որ «Մատչ ТВ»-ի պատասխանտուն կլինի «Գազպրոմ-մեդիա ժամանցային հեռուստաընկերության տնօրեն Արթուր Ջանիբեկյանը։ Օսադչայան հստակեցրել է`«Մատչ ТВ»-ի գլխավոր պրոդյուսեր Թինա Կանդելակին այսուհետև կենթարկվի Ջանիբեկյանին, ոչ թե Գրանովին։
