ԱԺ «Ելք» խմբակցությունն այսօր շրջանառության մեջ է դրել ՀՀԿ–ական գործընկեր Արտաշես Գեղամյանի պահվածքը քննարկելու հարցով ԱԺ էթիկայի ժամանակավոր հանձնաժողովում ստեղծելու նախագիծը։
ՀՀ խմբակցության պատգամավոր Արտաշես Գեղամյանի հարցով իրավապահներին չի դիմի, հարցը կլուծի քաղաքական դաշտում։ Այսօր լրագրողներին ասաց Գեղամյանի հետ ԱԺ միջանցքում վիճաբանած Նիկոլ Փաշինյանը։
«Միջադեպը տեղի է ունեցել խորհրդարանում, իսկ դա քաղաքական մարմին է,– ասաց Փաշինյանը,– եթե գնահատական չտրվի, պիտի հոգեբանորեն պատրաստ լինենք, որ թե՛ ԱԺ-ում, թե՛ քաղաքական, թե՛ հասարակական կյանքում միշտ կարող են նման միջադեպեր լինել»։
Փաշինյանը նշեց նաև, որ ՀՀԿ-ն ձգտում է իր գնահատականներով տեղի ունեցածի շուրջ հանդուրժողական մթնոլորտ ձևավորել, ինչն էլ իրեն թույլ է տալիս եզրակացնել, որ միջադեպն իրականում շատ ավելի լուրջ քաղաքական ենթատեքստ ունի, և կապված է իրենց քաղաքական հայացքների հետ։
Հիշեցնենք` հոկտեմբերի 5-ին ԱԺ միջանցքում վիճաբանություն էր տեղի ունեցել ՀՀԿ խմբակցության պատգամավոր Արտաշես Գեղամյանի և ընդդիմադիր Նիկոլ Փաշինյանի միջև, որից հետո վերջինը հայտարարել էր, որ Գեղամյանը բռունցքներով հարձակվել է իր վրա։
